İnterpolun axtarışında olanlar müəyyənləşdi

Ötən il İnterpolun Milli Mərkəzi Bürosu vasitəsilə beynəlxalq axtarışa verilmiş 76 nəfərin və bu təşkilata üzv ölkələr tərəfindən axtarılan 39 şəxsin yeri müəyyən olunub.

XALQ.AZ-ın məlumatına görə, bunu daxili işlər naziri Ramil Usubov bu gün 2017-ci ildə cinayətkarlıqla mübarizənin, ictimai qaydanın qorunmasının və ictimai təhlükəsizliyin təmin edilməsinin yekunlarına və qarşıda duran vəzifələrə həsr olunmuş geniş Kollegiya iclasında deyib.

Nazir qeyd edib ki, bütövlükdə, axtarış işinin göstəricisi 71,4 faiz təşkil edib.

Nazirin sözlərinə görə, mütəşəkkil cinayətkarlığa qarşı mübarizə məqsədyönlü şəkildə həyata keçirilib və hesabat ilində 2698 cinayət törətmiş 1028 cinayətkar qrup zərərsizləşdirilib.