Bakının Səbail rayonu ərazisində jurnalistlər üçün tikilən ikinci binada hazırda tamamlanma işləri gedir”.
Bu barədə Modern.az-a jurnalistlərin yaşadığı birinci binanın sakinləri məlumat veriblər.
İkinci binada çalışan iş icraçıları isə bildiriblər ki, son tamamlama işlərinin yayadək yekunlaşdırılması nəzərdə tutulur.
Qeyd edək ki, KİV-in İnkişafına Dövlət Dəstəyi Fondunun rəhbərliyi sonuncu dəfə mətbuata açıqlamasında Azərbaycan jurnalistləri üçün Bakı şəhərinin Səbail rayonu ərazisində, Yeni Salyan yolunda tikilən ikinci binanın 2017-ci ilin yayında, Milli Mətbuat günü ərəfəsində istifadəyə veriləcəyini bildirmişdi.
3 girişli, 17 mərtəbəli bu bina 255 mənzildən ibarətdir.
Xatırladaq ki, Yeni Salyan yolunda tikilən birinci bina jurnalistlərin istifadəsinə 2013-cü ildə verilib.
