Azərbaycan Mətbuat Şurası «Beynəlxalq münasibətlər mövzusu ölkəmizin kütləvi informasiya vasitələrində: mövcud durum və peşəkarlığın artırılması yolları» layihəsi çərçivəsində «Azərbaycan beynəlxalq münasibətlər sistemində» mövzusunda yazı müsabiqəsi keçirir.
Şuradan verilən məlumata görə, müsabiqəyə təqdim olunacaq yazılar üçün aşağıdakı istiqamətlər müəyyənləşdirilib:
- Azərbaycanın müasir beynəlxalq münasibətlər sistemində yeri və rolu;
- Azərbaycanın beynəlxalq münasibətlər sistemi və Heydər Əliyev şəxsiyyəti;
- Beynəlxalq siyasi proseslərdə qlobal maraqlar.
Qaliblər yuxarıda qeyd edilən üç istiqamətin hər biri üzrə ayrı-ayrılıqda mükafatlandırılacaqlar.
Ümumən müsabiqədə 3 birinci, 3 ikinci və 3 üçüncü yer nəzərdə tutulur.
I yer – 1000 manat;
II yer – 800 manat;
III yer – 500 manat.
Həvəsləndirici mükafat – 10 nəfər – 300 manat.
Müsabiqədə yer tutacaq şəxslərin adları 2014-cü il may ayının 5-dək açıqlanacaq.
Müsabiqəyə 2014-cü ilin mart ayının 1-dən may ayının 1-dək olan müddətdə qəzet, jurnal və informasiya agentliklərində, həmçinin xəbər saytlarında gedən materiallar buraxılacaq.
Yazılar 2014-cü ilin mart ayının 1-dən mayın 1-dək Azərbaycan Mətbuat Şurasının ofisində qəbul ediləcək.
