Masallı stadionunda təmir işləri başlanır
Masallılı futbol azarkeşlərinin müraciətinə həssaslıqla yanaşan məşhur iş adamı Mübariz Mənsimov Masallı stadionunun müasir tələblər səviyyəsində qurulmasına start verib. Fevralın 14-dən başlayaraq Anatoli Banişevski adına Masallı şəhər stadionunun yenidən qurulmasına başlanılıb. İndi burada söküntü işləri aparılır, tribuna, köhnə panellər sökülür, yeni meydançanın qurulmasına hazırlıq işləri görülür.
7 min tamaşaçı tutan bu stadionun tamaşaçılar olan hissəsi örtülü olacaq. Burada həmçinin idmançılar üçün otel, istirahət otağı və digər yardımçı otaqlar, 2 yardımçı stadion tikiləcək. Bu stadion Sumqayıt şəhər stadionuna bəzər formada inşa olunacaq.
Cenubxeberleri.com
