Millət vəkili Beynəlxalq Türk Akademiyasının prezidenti ilə görüşdü

Millət vəkili Qənirə Paşayeva Turan Qurultayının təşkilatçısı Macar Turan Vəqfinin rəhbəri Andras Biro ilə görüşüb. Türk dövlət və toplumları arasında əməkdaşlığın və Türk dünyası birliyinin güclənməsində Turan Qurultayının böyük əhəmiyyətini vurğulayan millət vəkili Q.Paşayeva Macar Turan Vəqfinin rəhbəri Andras Biroya bu cür önəmli tədbiri təşkil etdiyi üçün Azərbaycan nümayəndə heyəti adından təşəkkür edib. Millət vəkili Macar Turan Vəqfi ilə Azərbaycan təşkilatları arasında əməkdaşlığın daha da genişlənməsinə ehtiyac olduğunu deyib. Görüşdə qarşılıqlı əməkdaşlıq, həyata keçirilməsi nəzərdə tutulan yeni ortaq layihələr, ortaq tariximizin və mədəniyyətimizin öyrənilməsi, gənc nəsillərə çatdırılması, Azərbaycan həqiqətlərinin Macarıstan ictimaiyyətinin diqqətinə çatdırılması, Macarıstan mədəniyyətinin Azərbaycanda daha geniş tanıdılması ilə bağlı fikir mübadiləsi aparılıb.
Azərbaycanın dost ölkə olduğunu və Azərbaycanla münasibətlərin bütün istiqamətlərdə daha da inkişafına böyük əhəmiyyət verdiklərini diqqətə çatdıran Macar Turan Vəqfinin rəhbəri Andras Biro iki dost ölkə arasında əməkdaşlığın, o cümlədən rəhbərlik etdiyi qurum ilə Azərbaycan təşkilatları arasında əməkdaşlığın inkişafına önəm verdiyini deyib. Görüşdə Türk dünyasının birliyi istiqamətində layihələr ilə bağlı fikir mübadiləsi də aparılıb. Görüşün sonunda millət vəkili Q.Paşayeva Macar Turan Vəqfinin rəhbəri Andras Biroya Azərbaycan nümayəndə heyəti adından Azərbaycan tarixi, mədəniyyəti ilə bağlı hədiyyələri təqdim edib.
Millət vəkili Q.Paşayeva Turan Qurultayı çərçivəsində Beynəlxalq Türk Akademiyasının prezidenti Darhan Kıdırali ilə də görüşüb, müzakirələr aparılıb. Beynəlxalq Türk Akademiyasının Türk dünyasının birliyi istiqamətində gördüyü işlərin əhəmiyyətini vurğulayan millət vəkili Q.Paşayeva ortaq türk ədəbiyyatı, tarixi və mədəniyyəti ilə bağlı layihələrin həyata keçirilməsinin vacibliyini qeyd edib. Türk dünyasının inteqrasiyası istiqamətində gördükləri işlər barədə məlumat verən Beynəlxalq Türk Akademiyasının prezidenti Darhan Kıdırali ortaq türk ədəbiyyatı, tarixi və mədəniyyəti ilə bağlı layihələr üzərində çalışdıqlarını bildirib. Görüşdə iki qardaş ölkə olan Azərbaycan və Qazaxıstan arasında əməkdaşlığın genişləndirilməsi imkanları və Türk birliyinin güclənməsi istiqamətində yeni layihələr ətrafında önəmli fikir mübadiləsi olub, geniş fikir mübadiləsi aparılıb. Görüşlərdə ATXƏM sədri, Mətbuat Şurasının İdarə Heyətinin üzvü İlham İsmayıl, ATXƏM-in icra katibi, “Birlik” jurnalının baş redaktoru İlqar İlkin, Regional Hüquqi və İqtisadi Maarifləndirmə İB-nin sədri Arzu Bağırova, tibb elmləri doktoru Məlahət Qəhrəmanova , iş qadını Pərvanə Mustafayeva, əməkdar artist Nuriyyə Hüseynova və Şəmistan Əlizamanlı iştirak ediblər
Orxan

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.