Bu gün Milli Məclisdə qanvermə aksiyası keçirilir.
XALQ.AZ-ın məlumatına görə, deputatlar, Milli Məclis Aparatının və İşlər İdarəsinin əməkdaşları, o cümlədən jurnalistlər könüllü qan verirlər.
Qeyd edək ki, dünən Milli Məclisin Sədri Sahibə Qafarova deputatların, Milli Məclis Aparatının və İşlər İdarəsi əməkdaşlarının Birinci vitse-prezident Mehriban Əliyevanın təşəbbüsünə qoşularaq könüllü qan verəcəklərini bildirib.
,Milli Məclisin Mətbuat Xidmətinin rəhbəri Akif Təvəkküloğlu junalistlərə açıqlamasında deyib ki, Parlament Sədri Sahibə Qafarova, Milli Məclisin Aparatının və İşlər İdarəsinin əməkdaşları, o cümlədən jurnalistlər könüllü olaraq qanvermə aksiyasına qoşulublar.
Mill Məclisin deputatları, Aparat və İşlər İdarəsinin əməkdaşları Birinci Vitse-prezident Mehriban Əliyevanın təşəbbüsünə qoşularaq irsi qan çatışmazlığından əziyyət çəkən xəstələr üçün qan veriblər”, – deyə Akif Təvəkküloğlu qeyd edib.
XALQ.AZ
