Dəyişən ictima-siyasi formasiyalara baxmayaraq, Heydər Əliyevin bütün dövrlərdə fəaliyyəti milli şüurun inkişafına yönəltmişdir. Sovet dönəmində imperiyanın total təbliğat maşınının təzyiqləri altında Heydər Əliyev Azərbaycan xalqının Milli tarixi dəyərlərinin dirçəlməsi yönümündə kompleks addımlar atmışdır. Məhz bu tarixi xidmətlərin nəticəsində millət bütövləşir, öz istiqlaliyyəti uğrunda mübarizəyə hazırlaşırdı. Görkəmli ədəbiyyat və incəsənət xadimlərinin yubileylərinin keçirilməsi, ev muzeylərinin açılması, Bakının görkəmli yerlərində möhtəşəm abidələrin qoyulması həmçinin ziyalılarımızın SSRİ-nin ən yüksək mükafatları ilə təltif edilməsi Azərbaycan ictimaiyyətində optimist əhval-ruhiyyə yaratmışdı. Bu dövrdən bəhs edərkən ən böyük nailiyyətlərimizdən biri kimi 1978-ci il Konstitusiyasında ana dilimizə dövlət dili statusunun verilməsini xüsusi qeyd etmək lazımdır. Məhz Heydər Əliyevin təşəbbüsü və iradəsi nəticəsində dahi Azərbaycan şairi və mütəfəkkiri Hüseyn Cavidin cənazəsinin vətənə gətirilməsi xalqımızı repressiyaya məruz qoymuş imperiyaya qarşı protest idi.
Ümummilli lider Heydər Əliyev Sovetlər Birliyi dövründə xalqımızın hüquq və azadlıqlarını daim qorumuş, xalqımızın Milli şüurunun formalaşmasında, maariflənməsində, təqib və təzyiqlərə məruz qalaraq danılmaz xidmətlər göstərmişdir. Böyük sənaye müəssisələrinin zavod və fabriklərin Azərbayanda tikilməsinə Ali hərbi məktəblərin, böyük elm ocaqlarının Azərbaycanda açılmasına nail olmuş, xalqımızın rifahının yaxşılaşdırılmasının xoşbəxt gələcəyinin təməliqi qoymuşdur. Hələ o vaxt beynəlxalq aləmə kök salmış erməni diasporasının təsiri altına düşmüş Sovet İKP MK-nin Siyasi Bürosunun bizə ögey prinsipi ilə yanaşmasına baxmayaraq ulu öndərimiz Heydər Əliyev Azərbaycanı iqtisadi asılılıqdan xilas etmiş, dotasiya ilə yaşayan qabaqcıl respublikalardan birinə və on üç il dalbadal birincisinə çevirmişdir. O, müdrik insan çox gözəl bilirdi ki, xalqın intellektual səviyyəsinin yüksəlməsi onun abadlığı uğrunda mübarizədə qələbəsi üçün əsas meyar, əsas amildir. Özünü dərk etmədən buna nail olmaq qeyri-mümkündür. Odur ki, Heydər Əliyev vaxtında tarix-diyarşünaslıq muzeyləri yaratmaqla millətin özünü-özünə tanıtmış, keçmişi ilə gələcəyini birləşdirən bu günki tarixini yazmışdır.
Heydər Əliyevin vətən, xalq qarşısında ən böyük xidməti müstəqil Azərbaycan dövlətinin parçalanmaq, məhv olmaq təhlükəsindən qurtarması, müstəqilliyimizi əbədi və dönməz etməsidir. Məhz onun nəhəng fəaliyyəti nəticəsində Azərbaycan suveren dövlət kimi inkişaf etmiş, möhkəmlənmiş və dünya birliyində layiqli yerini tutmuşdur. Ona görə də biz haqlı olaraq deyirik ki, Heydər Əliyev müstəqil dövlətçiliymizin qurucusudur, bu günkü güclü, inkişaf edən Azərbaycan dövləti onun şah əsəridir.Prezident Heydər Əliyev əsl ümumxalq məhəbbəti, sevgisi qazanmış tək-tək siyasətçilərdən, dövdət xadimlərindəndir. O respublikaya rəhbərlik etdiyi uzun illər ərzində gördüyü nəhəng işləri ilə xalqımızın qəlbində özünə əbədi abidə ucaltmışdır. Ona görə də nə qədər ki, müstəqil Azərbaycan dövləti var, Azərbaycan xalqı var, Heydər Əliyev də ürəklərdə yaşayacaqdır. Bu isə əbədiyyət deməkdir. Umummilli liderimiz Heydər Əliyev hər kəsə əzizdir.
Zaur Mirzə-zadə
Dünya Azərbaycanlıları İctimai Mərkəzin sədri