İyulun 22-də Xaçmaz rayonunun Nabran qəsəbəsindəki istirahət mərkəzlərinin birinin ərazisində olarkən naməlum şəraitdə itkin düşmüş azyaşlı tapılıb.
2015-ci il təvəllüdlü Novruzov İsmayıl Elçin oğlu Nabrandakıı istirahət mərkəzlərindən birinin ərazisindən axan çayın kənarında aşkarlanıb.
Artıq İsmayıl ailəsinə təhvil verilib.
Bir neçə saat bundan əvvəl tapılan 3 yaşlı İsmayılın əmisi Məhəmməd Məsimov “Qafqazinfo”ya açıqlama verib. O, uşağın hazırda xəstəxanada olduğunu bildirib:
“Bir saata yaxındır ki, İsmayıl tapılıb. Uşağın vəziyyəti yaxşıdır. İndi yanımda deyil, xəstəxanadadır. Üzündə az-maz cızıqlar var, yüngülvari yaralanıb. Meşənin içərisində çayın kənarında tapılıb. Hələlik bu barədə məlumatımız var”.
Fotolar: APA