Təhsilə, elmə və maariflənmənin təbliğinə xüsusi önəm verən “Nar”ın baş sponsorluğu ilə ölkənin ən maraqlı intellektual yarışı olan “Breyn Rinq”in 14-cü mövsümü davam edir. 11 universitet və 15 region komandası arasında gedən gərgin mübarizədə oktyabrın qalibi “Nar” komandası olub. Hər il olduğu kimi bu il də mobil operator intellektual verilişin izləyicilərinə hədiyyə qazanmaq şansı verir. Belə ki, veriliş efirdə yayımlandığı zaman “Nar”ın “Facebook” səhifəsində qoyulmuş suala ən tez cavab verənlər hədiyyə qazana bilərlər. Oktyabrda səhifədə paylaşılan suala ən tez cavab verənlər Rahil Dadaşlı, Orxan Abbasov, Mahirə Sadıqova, Əli Məmmədov, Elçin Allahverdili və Niko Sadıqovdur.
Qeyd edək ki, yarış hər həftənin bazar günü saat 20:00-də İctimai Televiziyada yayımlanır. Oyun yanvarın əvvəlinə qədər davam edəcək. Bu mövsüm isə komandalar “Bilik” kuboku uğrunda mübarizə aparır. “Bilik” kubokunun qalibi ötən mövsüm “Nar” kubokunun qalibi olmuş “Nar” komandası ilə “Brain Ring 2019” Azərbaycan çempionu titulu uğrunda yarışacaq.
Qeyd edək ki, “Nar” gənclərin maariflənməsinin, dünyagörüşünün və analitik düşüncə bacarığının inkişafını stimullaşdırmaq məqsədilə müxtəlif intellektual oyunları dəstəkləyir.
