Müğənni Nura Suri aparıcıları tənqid edərək, “yıxıb-sürüyüb”.
XALQ.AZ xəbər verir ki, façı bu barədə “Facebook” səhifəsində yazıb: “Azərbaycanda aparıcı qıtlığıdır? Hər yerindən duran veriliş aparır. Ayıbdır. Peşəsinin mənbəyi bəlli olmayanlar bütün günü efirdədir. Belə biabırçılıq olar?
Azərbaycan Dövlət Mədəniyyət və İncəsənət Universitetinin hər il yüzlərlə tələbəsi işsiz qala-qala hərə bir tanışını seriala, filmə çəkir. Bu nə dəbdir? Bütün psixoloji xəstələri məclislərə dəvət edir, sonra da məzələnib videolarını çəkərək paylaşırlar. Mənası nədir? Məqsədiniz nədir, ay hörmətli insanlar? Ay özünə hörmət edən “jurnalistlər”, siz niyə belələrini təbliğ edirsiniz? Hələ peşəkar aparıcıları demirəm…
Belələrini niyə efirə dəvət edirsiniz? Nə reytinq sözündən yapışmısınız ? Bu, nə bəhanədi? Belə səviyyəsizliyi təbliğ etməkdə məqsədiniz nədir? Adamın köçüb adada yaşamağı gəlir. Bəsdirin də, zövqsüzlüyü, ağılsızlığı, pozğunluğu təbliğ etmək olar?!
Orxan
