Paşinyan baş nazir təyin edildi

Ermənistan prezidenti Armen Sarkisyan Nikol Paşinyanın baş nazir təyin edilməsi barədə fərman imzalayıb.

XALQ.AZ  xəbər verir ki, bu barədə Ermənistan prezidentinin mətbuat xidməti məlumat yayıb.

“Ermənistan konstitusiyasının 149-cu maddəsinin birinci hissəsini əsas tutaraq, Nikol Paşinyan Ermənistanın baş naziri təyin edilsin” – fərmanda bildirilib.

Ermənistan konstitusiyasının 149-cu maddəsinin 1-ci hissəsinə əsasən yeni parlament öz səlahiyyətlərinin rəsmi icrasına başladığı andan dərhal sonra ölkə prezidenti parlament çoxluğu tərəfindən irəli sürülən namizədi baş nazir təyin edir.

Konstitusiyaya müvafiq olaraq, Paşinyan 15 gün ərzində nazirlər kabinetini formalaşdırmalı, daha sonrakı 20 gün ərzində isə hökumətin proqramını hazırlayaraq parlamentə təqdim etməlidir.

Qeyd edək ki, bu gün Ermənistanın yeni tərkibli parlamentinin ilk iclasında deputatlar and içərək vəzifələrinin rəsmi icrasına başlayıblar.

Orxan

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.