Prezident İsmət Qayıbovun oğlunu təltif edib

Xəbər verdiyimiz kimi, Prezident İlham Əliyev iki gün öncə – sentyabrın 28-də Azərbaycan Prokurorluğunun yaranmasının 100 illik yubileyi münasibətilə və Azərbaycan Respublikasında qanunçuluğun təmin edilməsində, ağır və xüsusilə ağır cinayətlərin istintaqının aparılmasında, korrupsiyaya qarşı mübarizədə, məhkəmədə dövlət ittihamının müdafiə olunmasında yüksək peşəkarlıq göstərdiklərinə, xidməti vəzifələrinin yerinə yetirilməsində fərqləndiklərinə görə Prokurorluğun bir sıra əməkdaşlarını təltif edib.
XALQ.AZ xəbər verir ki, Müxtəlif orden və medallarla təltif edilənlər arasında Azərbaycanın sabiq Baş prokuroru İsmət Qayıbovun oğlu da var.
Belə ki, hazırda prokurorluq sistemində işləyən İsmayıl İsmət oğlu Qayıbov “Dövlət qulluğunda fərqlənməyə görə” medalı ilə təltif olunub.
Xatırladaq ki, mərhum Baş prokuror İsmət Qayıbov 1991-ci il noyabrın 20-də Azərbaycan tarixinin ən faciəli hadisələrindən biri zamanı həlak olub. Həmin vaxt Xocavənd rayonunun Qarakənd yaşayış məntəqəsi üzərində “Mİ-8” vertolyotunun ermənilər tərəfindən vurulması nəticəsində həlak olmuş Azərbaycanın bir çox tanınmış dövlət xadimləri arasında Baş prokuror İsmət Qayıbov da var idi/modern.az

 

 

Orxan

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.