Qapısı açıq hərəkət edən qatarla bağlı AÇIQLAMA

Bu gün axşam saatlarında Bakı metrosunda qatarların birində texniki nasazlıq yaranıb və vaqonlardan birinin qapısı açıq qalıb.
“Bakı Metropoliteni” QSC-nin Mətbuat xidmətinin rəhbəri Bəxtiyar Məmmədov XALQ.AZ-a faktı təsdiqləyib.
O, bildirib ki, sosial şəbəkədə görüntüləri yayılan fakt “İçəri Şəhər” stansiyasından “Həzi Aslanov” istiqamətində gedən qatarda “28 May”- “Gənclik” stansiyalarının arasında qeydə alınıb.
“Dispetçerlə kamera görüntülərinə baxdıq. Yalnız vaqonlardan birinin qapısında belə hal müşahidə olunub. Bu da texniki nasazlıq səbəbindən baş verib. İlkin ehtimala görə, sərnişin sıxlığı səbəbindən nəzarətçi və maşinist qapının açıq qalmasını görməyib. Məsələ araşdırılacaq və “Bakı Metropoliteni”nin təlimatlarına uyğun qərar qəbul ediləcək.”

Yeganə


Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.