“Qarabağ” adlı milli geyim kolleksiyasi ABŞ-da təqdim olunacaq

FNL Şəbəkəsi, dünyanın hər yerindən gələn dizaynerlər üçün yeni mövsüm kolleksiyalarını nümayiş etdirmək üçün ilk dəfə Beynəlxalq Rəqəmsal Moda Həftəsinə (IDFW) start verib. IDFW, qlobal tamaşaçı üçün orijinal moda məzmununu əhatə edəcək təməl platformadır.

Azərbaycanın tanınmış dizayneri Gülnarə Xəlilovanın “Qarabağ” adlı milli geyim kolleksiyası dünya brendləri ilə birlikdə IDFW (International Digital Fashion Week) ABŞ-da birinci rəqəmsal Dəb həftəsində təqdim olunacaq.


Dəb həftəsinin açılışı sentyabrın 5-də 75 ölkədən olan təmsilçilərin iştirakı ilə baş tutacaq.


Gülnarə Xəlilova: “Yeni həyat formatı yeni perspektivlər açır. “International Digital Fashion Week” Amerikanın, Avropanın və Asiyanın dəb dünyasını birləşdirən məkandır. Layihədə dünyaca tanınmış dizaynerlər iştirak edəcəklər və dünya brendlərinin kolleksiyaları təqdim olunacaq. Azərbaycanı bu cür əhəmiyyətli beynəlxalq layihədə təmsil etmək mənim üçün böyük şərəfdir”.

Biz də “Azerbaijani. Brands” komandası adından Gülnarə Xəlilovanı təbrik edir və uğurlar arzulayırıq!” 

Koronavirus pandemiyası ilə əlaqədar layihə onlayn təqdim olunacaq. IDFW Dəb həftəsi bütün dünya üzrə milyonlarla tamaşaçının baxdığı FNL telekanalı və tətbiqi (https://linktr.ee/fnlnetwork) vasitəsilə yayımlanacaq. FNL şəbəkəsi “Apple TV”, “Roku TV”, “Andriod TV”, “Amazon Fire TV”də, habelə bütün “Android” və “Apple iOS” qurğularında baxmaq üçün əlçatandır. Kolleksiyalar altı ay ərzində platformada əlçatan olacaqlar. “FNL Network”in banisi Rokko Leo Qaqliotidir (ABŞ).