Qaxın icra başçısı təcili Bakıya çağırıldı

12

Musa Şəkiliyevdən edilən şikayətlər Prezident Aparatında qəzəbə səbəb olub 

Qaxının icra başçısı Musa Şəkiliyev az öncə təcili olaraq Bakıya çağırılıb. Bu barədə XALQ.AZ-a rayondakı mənbələrdən məlumat daxil olub.

Həmin məlumatda deyilir ki, M.Şəkiliyev səhər saatlarında rayonda olub. Bakıdan gələn gözlənilməz zəngdən dərhal sonra yola çıxıb. Kifayət qədər əsəbi olan icra başçısının qəfil paytaxta çağırılmasının hələlik dəqiq səbəbi məlum deyil. Yalnız bilinən odur ki, son bir həftə ərzində Musa Şəkiliyevə Prezident Admnistrasiyasından xeyli zənglər olub və onların hamısı rayon camaatının etdiyi şikayətlərlə əlaqəlidir. Hətta o da deyilir ki, PA-dan edilən hər zəngdən sonra Şəkiliyevin əsəbləri tarıma çəkilirmiş.

XALQ.AZ-a danışan mənbə bildirir ki, hal hazırda Qax İcra Hakimiyyətində də narahatlıq yaşanır. Belə ki, qurumun işçiləri Musa Şəkiliyev Bakıya işdən çıxarılması üçün dəvət edildiyi düşüncəsindədirlər.