Qol güləşçilərimiz bir günə 14 medal qazandı

Qol

Mayın 21-də “Sərhədçi” İdman Olimpiya Mərkəzində keçirilən qol güləşi üzrə XXIV Avropa çempionatının birinci gününün qalibləri müəyyən olunub.

Yarışın birinci günündə əlil gənc kişilər arasında Onur Sarıbal (65 kq Türkiyə), əlil qadınlar arasında Lada Nazıyeva (60 kq Bolqarıstan), əlil kişilər arasında Gökan Sevən (60 kq Türkiyə), Murat Çırık (75 kq Türkiyə), Artyom Pişmak (90 kq Ukrayna), Ayce Sureyya (90 kq-dan artıq Türkiyə) birinci yerə çıxıb.

Yarışda qadın idman ustaları arasında Ann Johanson (60 kq İsveç), Kamilla Katstrium (80 kq Almaniya), kişi idman ustaları arasında isə Eduard Baldiryev (70 kq Rusiya), Dursun Öndər (80 kq Türkiyə), Malik Taqırbekov (90 kq Rusiya), Yevgeni Şişov (100 kq Rusiya), Oleq Mlentiyev (100 kq-dan artıq Rusiya) fəxri kürsünün ən yüksək pilləsinə qalxıb.

Kişi böyük idman ustaları arasında Nikolay Mazlov (75 kq Rusiya), Hakan Berqlund ( 90 kq İsveç), Serqey Kuzmin (100 kq Ukrayna), Minabəddin Qurbanov (100 kq-dan artıq Azərbaycan), veteran kişi idmançılar arasında isə Viktor Zaytsev (75 kq Rusiya), Gennadi Tkaşet (90 kq Rusiya) birinci yerə çıxıb.

18 yaşlı gənc qızlar arasında Burcu Korkmaz (45 kq Türkiyə), Gülhan Bilgiç (50 kq Türkiyə), Zalina Mourova (55 kq Rusiya), Milana Bayeva (60 kq Rusiya), Zarina Taymazova (65 kq Rusiya), Tatyana Şeyna (70 kq Rusiya), Mədinə Kayirova (70 kq-dan artıq Rusiya), 21 yaşlı qızlar arasında Anastasiya Qonçarenka (50 kq Ukrayna), Kristina Cikayeva (55 kq Rusiya), Yekatrina Qridçina (60 kq Rusiya), Seyma Aksoy (65 kq Türkiyə), Alena Miramanova (70 kq Rusiya), Alesiya İqnatiyeva (70 kq-dan artıq Rusiya) birinci olublar.

18 yaşlı oğlanlar arasında Anzor Albatov (50 kq Rusiya), Emre Albas (55 kq Türkiyə), Ramazan Rutamov (60 kq Azərbaycan), Arsen Korayev (65 kq Rusiya), Saşo Andreyev (75 kq Bolqariya), Hasan Slanov (70 kq Rusiya), Soslan Qossiyev (80 kq Rusiya), Levani Kabalayev (80 kq-dan yuxarı Rusiya) hamıdan güclü olduqlarını sübut ediblər.

21 yaşlı oğlanlar arasında Andrey Sizanets (65 kq Ukrayna), Djinjarauli İmedai (55 kq Gürcüstan), Qismət Vəkilov (60 kq Azərbaycan), Lenur Katayev (70 kq Ukrayna), Valerian Meladze (80 kq Gürcüstan), Marat Aybarov (85 kq Rusiya), İqor Pasiyeka (90 kq Ukrayna), Serqey Şipanov (90 kq-dan yuxarı Rusiya) birinci olmuşlar.

Çempionatın birinci günü qadın idman ustaları arasında Azərbaycan idmançısı Mənzurə Hüseynova, gənc əlil kişilər arasında Vilayət Namazzadə (65 kq), veteran kişi idmançılar arasında Müslüm İbrahimov (75 kq), Qurban Qurbanov (90 kq), 18 yaşlı oğlanlar arasında Nemət Vəkilov (55 kq), Hüseyn Əmənli (60 kq), 21 yaşlı oğlanlar arasında Bəxtiyar İbrahimli ikinci yeri, əlil kişilər arasında Rauf Ağazadə, kişi idman ustaları arasında Cavid Mirzəquliyev, 18 yaşlı oğlanlar arasında Məhəd Mirzəyev və İlham Rzayev 3-cü yeri tutublar.

Qeyd edək ki, bu idmançıların hamısı sol əllə mübarizə aparıblar.