Roza “Maşın”dan kimi çıxardı? — VİDEO

Xəbər verdiyimiz kimi, bu gün “Maşın” şouda səsverməyə Roza Zərgərli çıxıb.

“Ölkə.Az” Oxu.Az-a istinadla xəbər verir ki, şounun gedişi zamanı Zərgərli bildirib ki, altı nəfərdən xahiş edərək şəklinin qutuya atılmasını istəyib. Ancaq yeddi nəfər əlini qaldıraraq Rozanı çaş-baş salıb.

Onların sırasında Günel Hümbətova, Aytən Səfərova, Abbas Bağırov, Qurd, Uran və Rahidə Baxışova olub.

Mətanət Əliverdiyeva, Ələkbər Yasamallı, Pərvin Abıyeva, Rahidə Baxışova, Qurd və Günel Hümbətova isə Rozaya dəstək olaraq tamaşaçılardan səs istəyib.

Aparıcı Fira Cəlilova Rozanın ikiüzlü bir insanı çıxaracağını bildirib.

Proqram zamanı Murad Dadaşov Günel Hümbətovanın hədəf olacağını desə də, Günel Roza Zərgərli tərəfindən çıxarılmayacağına vəd aldığını deyib.

Günel daha sonra ad çəkmədən iştirakçıları “ikiüzlü” adlandıran Firadan ad çəkməsini tələb edib.

İlhamə Bədəlova isə Rozanın hədəfinin kim olduğunu barədə məlumatlı olduğunu bildirib.

Səsverməyə çıxan Zərgərli bir müddət susqunluqdan sonra fikrini dəyişərək hədəfinin Fira Cəlilova olduğunu söyləyib.

Cəlilova isə Rozanın onu “Maşın”da yaranan iki qruplaşmadan birinin üzvü olduğunu zənn edərək hədəf seçdiyini deyib.

Rozaya səs verən Aytən Səfərova onun Firanı “blef” olaraq ortaya atdığını və aparıcını çıxarmayacağını bildirib.

Daha sonra Zərgərli sonda hədəfini dəyişəcəyini, Aytən Səfərova isə hədəfin özü olduğunu kameralar vasitəsilə tamaşaçılara çatdırıb.

Sonda isə Roza Zərgərli 52,72 % səs toplayaraq şouda qalıb.

O, realiti şoudan heç kimi uzaqlaşdırmayıb.

Orxan