Bu gün Azərbaycan Respublikasının Prezidenti yanında QHT -lərə Dövlət Dəstəyi Şurasının üzvü , BMAM sədri , siyasi elmlər üzrə fəlsəfə doktoru , Rufiz Qonaqovun doğum günüdür Bu münasibətlə XALQ.AZ İnformasiya Agentliyinin kollektivi adından Rufiz Qonaqovu ürəkdən təbrik edir, gələcək fəaliyyətində uğurlar arzulayırıq.
Rufiz Qonaqov 29 yanvar 1975-ci ildə Azərbaycan Respublikası Quba rayonunun 2-ci Nügədi kəndində anadan olmuşdur. 1982-ci ildə həmin kənddəki 1 N-li orta məktəbin 1-ci sinifinə daxil olmuş, 1992-ci ildə isə həmin məktəbi qızıl medalla bitirmişdir. Orta məktəbdə oxuyarkən məktəbin Komsomol Komitəsinin katibi, məktəb Pedoqoji Şurasının üzvü olmuşdur. 1993-cü ildə Bakı Sosial İdarəetmə və Politologiya İnstitutuna (hazırda Azərbaycan Respublikası Prezidenti yanında Dövlət İdarəçilik Akademiyası) daxil olmuş, 1997-ci ildə həmin İnstitutun sosiologiya fakültəsini, 1999-cu ildə isə siyasətin sosiologiyası ixtisası üzrə magistratura pilləsini fərqlənmə diplomu ilə bitirmişdir. Hazırda Azərbaycan Respublikasının Prezidenti yanında Dövlət İdarəçilik Akademiyasının xarici siyasət və beynəlxalq münasibətlər kafedrasının dissertantıdır.
Rufiz Qonaqov ali məktəbdə təhsil aldığı illərdən başlayaraq ölkəmizin ictimai – siyasi həyatında fəal iştirak etmişdir. Belə ki, O, 1995-98-ci illərdə Azərbaycan Demokratik Tələbə Gənclər Təşkilatının sədri, eyni zamanda həmin illərdə Azərbaycan Respublikası Gənclər və İdman Nazirliyində İctimai Şuranın, Gənclər Təşkilatları Milli Şurasında İdarə Heyyətinin üzvü olmuş, 1997-ci ildə Azərbaycan Respublikası Milli Olimpiya Komitəsinin Baş Məclis üzvü seçilmiş, 1998 – ci ildə ölkəmizdə keçirilmiş prezident seçkilərində Azərbaycan Respublikasının Prezidenti, ölkə prezidentliyinə yenidən namizəd, ümumilli lider, cənab Heydər Əlirza oğlu Əliyevin Mərkəzi Seçki Qərərgahının üzvü, 1998- 2002 – ci illərdə Azərbaycan Respublikaçılar Partiyasının sədri olmuşdur.
Rufiz Qonaqov 2012- 2014- cü illərdə QHT Əməkdaşlıq Alyansının həmsədri, 2015-ci ci ildə isə “1-ci Avropa Oyunlarına Dəstək” Vətəndaş Cəmiyyəti Koalisiyasının həmsədri olmuşdur. Eyni zamanda O, 2006-cı ildən indiyədək ölkəmizdə aparıcı ictimai İnstitutlardan biri olan Beynəlxalq Münasibətlərin Araşdırılması Mərkəzinin sədridir.
Rufiz Qonaqov 2015-ci ildən Azərbaycan Televiziya və Radio Verilişləri Qapalı Səhmdar Cəmiyyətinin ictima-siyasi proqramlar üzrə redaktoru vəzifəsində çalışır. 20 aprel 2016-cı il tarixindən isə Azərbaycan Respublikasının Prezidentinin sərəncamı ilə Prezident yanında Qeyri-Hökumət Təşkilatlarına Dövlət Dəstəyi Şurasına üzv təyin edilmişdir.
Ailəlidir, 2 övladı var.
Comments are closed.