Sadiq Qurbanovun namizədliyi qeydə alınıb.
XALQ.AZ-ın xəbərinə görə, Sadiq Qurbanov namizədliyi 54 saylı Şabran-Siyəzən seçki dairəsindən hakim Yeni Azərbaycan Partiyasının tərəfindən irəli sürülüb.
Sadiq Qurbanov şəxsi facebook səhifəsində qeyd edib ki, Dəyərli dostlar!
Bu gün 54 saylı Şabran-Siyəzən seçki dairəsindən Yeni Azərbaycan Partiyasından namizədliyimi rəsmi olaraq təsdiq edən vəsiqə DSK tərəfindən mənə təqdim olundu.
İlk olaraq Partiyamızın yaradıcısı,ümummilli liderimiz Heydər Əliyevin xatirəsini yad edərək,fəaliyyətimizin yeni mərhələsinə start verdik.
Bu günə qədər mənə dəstək olan bütün əqidə yoldaşlarıma təşəkkür edirəm. Xüsusən də Şabran-Siyəzən sakinlərinə isti münasibətlərinə görə dərin minnətdarlığımı bildirirəm.
Qeyd: Azərbaycanda 2020-ci ilin fevralın 9-da növbədənkənar parlament seçkiləri keçiriləcək.