Seçicilər Naqif Həmzəyevə səs verəcəklərini bildiriblər – FOTO

38 saylı Nizami ikinci (Gəncə) seçki dairəsindən deputatlığa namizədliyi Yeni Azərbaycan Partiyası tərəfindən irəli sürülən Naqif Həmzəyevin təbliğat-təşviqat kampaniyası uğurla davam edir.

XALQ.AZ-ın məlumatına görə, kampaniya çərçivəsində Naqif Həmzəyev seçildiyi ərazinin sakinləri ilə fərdi görüşləri zamanı YAP-ın seçki proqramı haqqında, həmçinin ölkəmizdə həyata keçirilən sosial-iqtisadi, hüquqi və struktur islahatları barədə seçicilərə məlumat verib. Deputatlığa namizəd seçiciləri fevralın 9-da keçiriləcək parlament seçkilərində öz seçki hüquqlarından istifadə etməyə və fəal olmağa çağırıb.

Naqif Həmzəyev həmçinin seçicilərin məişət problemlərini dinləyib və onların qısa zamanda həlli üçün aidiyyati qurumlara məlumat verəcəyini bildirib.

Seçicilər Naqif Həmzəyevin millət vəkili kimi fəaliyyətini izlədiklərini, hər bir uğuruna sevindiklərini bildirib, 9 ferval tarixində keçiriləcək parlament seçkilərində seçimlərinin Naqif Həmzəyev olacağına əminliklərini dilə gətiriblər.

XALQ.AZ