Milli Məclisin bu gün keçirilən iclasında Bakı-Sumqayıt yolunda təmir işlərinin aparılması müzakirə olunub.
XALQ.AZ xəbər verir ki, deputat Fəzail Ağamalı bildirib ki, hazırda təmir gedən hissədə yol 4 il öncə çəkilib:
“Deyirlər ki, orada çatlar var. Tam məsuliyyətimlə deyirəm ki, o yolda çat yox idi. Hər gün o yoldan istifadə edirəm. Orada təmir işlərinin getməsi insanları narahat edir”.
Milli Məclisin sədri Oqtay Əsədov isə deyib ki, ölkədə yüksək səviyyəli yollar çəkilir: “Mən Binəqədi rayonunun Sulutəpə qəsəbəsində yaşayıram. Bu əziyyətləri mən də çəkirəm. O yollar genişləndirilməlidir, bunun üçün də yol kənarındakı bəzi evlər sökülməlidir. Bütün bu məsələlər zamanla həll edilir”.
Orxan
