Türkiyədə baş verən mədən faciəsində ölənlərin sayı yenə artıb. XALQ.AZ-ın məlumatına görə, son açıqlanan rəqəmlərə görə, ölü sayı 205 nəfərdir. 80 nəfər isə yaralıdır. Ərazidə xilasetmə işləri davam edir.
Somaba baş verən faciə bütün dünya mətbuatının gündəminə çıxıb. Mədəndə yüzlərlə işçi olduğunu nəzərə alaraq ölü sayının artacağı istisna edilmir. Məlumata görə, transfarmatorda partlayış növbə dəyişən zaman baş verdiyi üçün mədəndə işçi sayı çox olub.
Mədəndən sağ çıxarılanların sözləri isə ürəkləri dağlayır. Belə ki, xilasedicilərin xilas etdiyi işçilərdən birinin “Ayaqqablarımı çıxarım? Xərək batmasın” sözləri sosial şəbəkədə ən çox müzakirə edilənlər sırasına düşüb.
Jurnalistlərdən birinin sağ qalan işçisinə “Mədənə yenidən enəcəksiniz?” sualına verilən cavab onların əlacsızlıqlarını bir daha gözlər önünə sərib. “Girməliyəm… Kreditlərim var”
