Ülvi Quliyev qəbul keçirdi

Milli Məclisin Gənclər və İdman Komitəsinin sədri, 17 saylı Yasamal III seçki dairəsindən deputat seçilmiş Ülvi Quliyev parlamentdə seçicilərini qəbul edib.

XALQ.AZ xəbər verir ki, bu, komitə sədrinin 2018-ci ildə yekun qəbuludur.

Ülvi Quliyev təmsil etdiyi dairədə yaşayan seçiciləri və eyni zamanda Gənclər və İdman Komitəsinə müraciət ünvanlayan vətəndaşları ayrı-ayrılıqda qəbul edib.  Deputat onları narahat edən məsələləri dinləyib.

30-a yaxın vətəndaşın iştirak etdiyi qəbulda əsasən  iş, mənzil, sosial, idman, təhsil və s. kimi məsələlər üstünlük təşkil edib.Seçicilərin problem və təkliflərini, eyni zamanda zəruri olan sənədləri qəbul edən Ülvi Quliyev bütün müraciətləri nəzarətdə saxlayacağını və həllinə köməklik göstərəcəyini bildirib.

Ərizə və şikayət məktubları aidiyyəti orqanlara yönləndirilməsi üçün götürülüb.

Qeyd edək ki, Ü.Quliyev 2018-ci ildə həm öz dairəsində, o cümlədən Milli Məclisdə 11 görüş keçirib.

 

Orxan


Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.