Üzü yanmış qıza Rusiyadan dəstək

XALQ.AZ xəbər verir ki, top-stilist Anar Ağakişiyevin makiyaj edərək bütün dünyaya səs saldığı Nərmin xanım haqda xəbər var.
Belə ki, uşaqlıqda yanğın zamanı üzü yanan xanımın müalicəsini rusiyalı futbolçu Pavel Pogrebnyakın həyat yoldaşı Mariya Pogrebnyak öz üzərinə götürüb.
M.Pogrebnyak bu barədə özü məlumat verib:
“Bir müddət öncə xəstəxanaya getmişdim. Qəbul otağında bir qız gördüm. Tələsdiyimə baxmayaraq klinikada 5 saat vaxt keçirdim.
Həkim məni Moskvanın ən yaxşı plastik cərrahların toplantısında iştirak etmək üçün dəvət etmişdi.
Qızı görəndə 17 il ərzində heç bir həkimin onun üzərində əməliyyat aparmağa risk etməməyinə təəccübləndim.
İnsanlar, bir düşünün! Sinəmizə implantlar qoydururuq, burnumuzu qırdırıb düzəldirik, artıq yağlarımızdan əməliyyatla azad oluruq, qabırğalarımızı çıxarırıq… Niyə?!
Plastik cərrahiyyə bunun üçün deyil. Mən və həkim bu məsuliyyətli işin altına girib xanıma “hə” cavabını verdik.
Nərminin üzərində böyük işlər görülməlidir. Stomatoloqdan tutmuş cərraha qədər…
Biz pul toplamırıq. Bu xanımla çalışmağı bacara biləcək həkimləri əməkdaşlığa səsləyirik”.

 

 

 

Elgün


Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.