“Sosial şəbəkələrdə bu il aparılan sosial islahatlarla bağlı bəzi fikirlər səsləndirilir. Lakin aydınlıq gətirmək istəyirəm ki, bu ilki sosial paket 2019-cu ilin dövlət büdcəsində oturuşmuş paketdir”
XALQ.AZ xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı “İqtisadi islahatlar: Sahibkarlığın inkişafı və diversifikasiya” adlı beynəlxalq konfransda çıxışı zamanı deyib.
O bildirib ki, büdcə sistemi haqqında qanuna görə paket 2018-ci ilin yanvar ayının sonundan başlayır: “2 milyard manatdan artıq sosial paket həyata keçirilirsə, bunu bir ayın ərzində etmək mümkün deyil. Bu, əvvəlcədən prezidentin göstərişi ilə hazırlanıb və 2019-cu ilin dövlət büdcəsi ilə həyata keçirilir. Bunun emissiya effekti yoxdur, əvvəlcədən büdcədə oturmuş paketdir”.
Orxan
