“Youtube”dan 22 milyon dollar qazandı

Bizə müxtəlif maraqlı videolar təklif edən “Youtube” portalı həm də çox adamı varlandırıb. Bu insanların arasında uşaqlar da var.
Rayan Kaci “Youtube”-da ən çox pul qazanan uşaq kimi tanınır. Keçən ilin göstəricilərinə görə “Forbes” onu hətta dünyada bu portaldan ən çox gəlir qazanc götürən adam elan etmişdi.
Rayan 2011-ci ilin oktyabrında Los-Ancelesdə doğulub. Yəni hələ 8 yaşı tamam olmayıb. Buna baxmayaraq, portaldakı abunəçilərinin sayı 20 milyon nəfərə yaxınlaşır (19 milyon 656 min). İndiyə qədər videolarına 29 milyard 844 milyon dəfə baxılıb. “Forbes” Kacinin 22 milyon dolları olduğunu iddia edir.
Rayana videoları çəkməkdə valideynləri kömək göstərir. Ortaya böyük yaradıcılıq nümunəsi qoyulmur, sadəcə, yeni oyuncaqların özəlliyi ilə abunəçiləri heyrətləndirməyə çalışırlar. Rayanın “Ryan ToysReview” kanalında az qala hər gün video yerləşdirlir. Dörd ildir fəaliyyət göstərən kanal indiyə qədər 1417 video təqdim edib.
XALQ.AZ

Yeganə

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.