Ziyafət Əsgərov-“Paşinyan Azərbaycanın gücünü bilir”

“Ermənistanın baş naziri Nikol Paşinyan nə deyirsə, daxili auditoriyaya hesablanıb. Paşinyan Azərbaycanın gücünü bilir, prezidenti də çox yaxşı tanıyır, onun hansı intellektə və gücə malik olduğunu anlayır.

Sadəcə, o hesab edir ki, Ermənistanda seçkilər keçiriləcək, onun təmsil etdiyi partiyanın qalib gəlib-gəlməyəcəyi bilinmir. O vəziyyətdən istifadə edərək daxili auditoriyanı hazırlamaq və onu öz tərəfinə çəkmək üçün xal qazanmaq istəyir”.

XALQ.AZ xəbər verir ki,  bunu Milli Məclis sədrinin birinci müavini Ziyafət Əsgərov   Ermənistanın baş naziri Nikol Paşinyanın Düşənbədə Azərbaycan Prezidenti İlham Əliyevlə söhbətində yumşaq mövqe nümayiş etdirməsinə münasibət bildirərkən deyib.

Birinci vitse-spiker bildirib ki, Paşinyanın destruktiv bəyanatları qəbul edilə bilməz.

“Birləşmiş Millətlət Təşkilatının tribunasını küçə nümayişinə çevirmək olmaz. Küçədə nümayişdə hər hansı söz deyə bilər. Amma BMT-nin tribunasından küçədə deyilənləri təkrar etmək heç bir dövlət rəhbərinə başucalığı gətirməz.

Mövqeyimiz bundan ibarətdir ki, Azərbaycanın Ermənistan tərəfindən işğal edilən torpaqları azad olunmalıdır. Bu, müzakirə obyekti deyil.

Nə qədər ki, Ermənistan işğalçılıq siyasətindən əl çəkməyib, o, bütün layihələrdən kənarda qalacaq. Ermənistanda vəziyyət yenə də iqtisadi iflic vəziyyətində olacaq. Ermənistan bu vəziyyətdən heç vaxt çıxa bilməyəcəklər. Hər bir halda gec onların fikirləşməyə vaxtı var”.

 

 

Orxan

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.