Bayramınız mübarək xanımlar!

Bu gün 8 Mart-Beynəlxalq Qadınlar Günüdür.

Bu gün dünyadakı bütün qadınlara diqqət göstərilir, qadınların üzünə sevinc qonur. Qadın xoşbəxt olunca ətrafını, bütün dünyanı səadətə bələyir.

1910-cu ildə alman sosialist qadın Klara Setkin 8 martın dünya qadınlar günü kimi qeyd edilməsini təklif edib.

1977-ci ildə BMT bu günü qadın günü kimi rəsmiləşdirib.

Artıq demək olar bir əsrdir dünyanın sivil ölkələrində 8 Mart anaların, bacıların, sevgililərin günüdür. Hər il Martın 8-də dünya bir günlük sehirli bir nağıla bürünür, gül yağışına tutulur.

Qadınlar bayramı Azərbaycanda da geniş qeyd olunur. Hər il olduğu kimi, bu il də Azərbaycan Prezidenti İlham Əliyev ölkə qadınlarını 8 Mart – Beynəlxalq Qadınlar Günü münasibəti ilə təbrik edib, ölkə qadınlarının təltif edilməsi haqqında sərəncamlar imzalayıb.

Azərbaycanda ölkə əhalisinin ümumi sayının 50,1 faizini və ya 4 milyon 999,1 min nəfərini qadınlar təşkil edir. XALQ.AZ kollektivi  olaraq, bu 4 milyon,999,1 nəfərlik mələklər ordusunu təbrik edirik.

Azərbaycan Respublikası Əmək Məcəlləsinin 105-ci maddəsinə əsasən, hər il 8 mart qeyri-iş günüdür.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.