Rusiyanın ilhaq etdiyi Krımın Simferopol şəhərində dəmir yolunda törədilən partlayış nəticəsində taxıl dolu 5 vaqon relsdən çıxıb.
Məlumatı “Mash” yayıb.
Bildirilib ki, hadisə yerli vaxtla səhər saat 8.20-də Simferopolun Baxçasaray rayonunda baş verib. İtki və xəsarət alanlar barədə məlumat yayılmayıb.
Məlumata görə, dəmiryolunun Simferopol-Sevastopol hissəsində elektrik qatarlarının hərəkəti müvəqqəti olaraq dayandırılıb.
Qeyd edək ki, Rusiya 2014-cü ildə Krımı işğal etdikdən sonra onu ilhaq və öz ərazisi elan edib.