Bakıda yaşayış ola-ola binanın söküldüyü bildirilir.
Bu barədə “Xəzər Xəbər”də reportaj dərc edilib.
Bildirilir ki, 40-a yaxın ailə təhlükə ilə üz-üzədir.
Məlumata görə, Nəsimi rayonu, Mirəsədulla Mirqasımov küçəsi, 4 ünvanında yerləşən binada yaşayan sakinlər iddia edirlər ki, fevral ayından özünü “İnvest Construction MMC” şirkətinin əməkdaşları kimi təqdim edən şəxslər binanı sökməyə başlayıblar.
Sakinlər iddia ediblər ki, binanın bir hissəsi söküldüyündən qaz və suyun verilişində də problemlər yaranıb. Şirkət binadakı 170 mənzilin böyük bir hissəsinin sahibinə kompensasiya ödəyərək razılığa gəlib.
Amma 40-a yaxın ailə onların şərtləri ilə razılaşmadığından evlərini tərk etmir.
İddialarla bağlı “İnvest Construction MMC”dən bildiriblər ki, sökülən binada 122 mənzil sahibi ilə razılaşılıb, müqavilə əsasında bəzilərinə kompensasiya ödənib, bəzilərinin isə kirayə haqqı verilməklə tikiləcək binadan mənzil verilməsi ilə razılığa gəlinib. Şirkətin rəsmi nümayəndəsi əlavə edib ki, narazı olaraq evlərini tərk etməyən sakinlər bazar qiymətinə uyğun ödəniş tələb etmirlər.
“Onlar hər kvadratmetr sahəyə görə, bizdən 6 min manat tələb edirlər”, – şirkətdən deyilib.
Məsələ ilə bağlı Dövlət Şəhərsalma və Arxitektura Komitəsindən bildirilib ki, “İnvest Construction MMC” həmin ünvanda bina tikintisi üçün müraciət etsə də, bəzi dövlət qurumlarının rəyi olmadığı üçün tikinti aparmaq üçün onlara müsbət rəy verilməyib.
Bu barədə “Xəzər Xəbər”də reportaj dərc edilib.
Bildirilir ki, 40-a yaxın ailə təhlükə ilə üz-üzədir.
Məlumata görə, Nəsimi rayonu, Mirəsədulla Mirqasımov küçəsi, 4 ünvanında yerləşən binada yaşayan sakinlər iddia edirlər ki, fevral ayından özünü “İnvest Construction MMC” şirkətinin əməkdaşları kimi təqdim edən şəxslər binanı sökməyə başlayıblar.
Sakinlər iddia ediblər ki, binanın bir hissəsi söküldüyündən qaz və suyun verilişində də problemlər yaranıb. Şirkət binadakı 170 mənzilin böyük bir hissəsinin sahibinə kompensasiya ödəyərək razılığa gəlib.
Amma 40-a yaxın ailə onların şərtləri ilə razılaşmadığından evlərini tərk etmir.
İddialarla bağlı “İnvest Construction MMC”dən bildiriblər ki, sökülən binada 122 mənzil sahibi ilə razılaşılıb, müqavilə əsasında bəzilərinə kompensasiya ödənib, bəzilərinin isə kirayə haqqı verilməklə tikiləcək binadan mənzil verilməsi ilə razılığa gəlinib. Şirkətin rəsmi nümayəndəsi əlavə edib ki, narazı olaraq evlərini tərk etməyən sakinlər bazar qiymətinə uyğun ödəniş tələb etmirlər.
“Onlar hər kvadratmetr sahəyə görə, bizdən 6 min manat tələb edirlər”, – şirkətdən deyilib.
Məsələ ilə bağlı Dövlət Şəhərsalma və Arxitektura Komitəsindən bildirilib ki, “İnvest Construction MMC” həmin ünvanda bina tikintisi üçün müraciət etsə də, bəzi dövlət qurumlarının rəyi olmadığı üçün tikinti aparmaq üçün onlara müsbət rəy verilməyib.
