Türkiyədə sərnişin avtobusu qəzaya uğrayıb.
XALQ.AZ-ın məlumatına görə, hadisə Antalya-İsparta yolunda baş verib.
Avtobusun aşaraq çaya düşməsi nəticəsində 13 nəfər ölüb, 31 nəfər xəsarət alıb. Yaralılardan 6-nın vəziyyətinin ağır olduğu bildirilir.
Səhər saat 05.45 radələrində baş verən qəzanın səbəbi kimi sürücünün idarəetməni itirməsi göstərilir.
Yaralılar İspanta, Bucak və Antalya xəstəxanalarına yerləşdirilib.
Sərnişinlər arasında əcnəbi turistlər olmayıb.
