“Azərbaycan Hava Yolları” QSC-yə (AZAL) yazılan inzibati protokola baxılacaq tarix açıqlanıb.
XALQ.AZ-ın xəbərinə görə, sənədə Xəzər Rayon Məhkəməsinin hakimi Hüseyn Hüseynlinin sədrliyi ilə mayın 17-də baxılacaq.
Qeyd: Protokol müvafiq qurum tərəfindən İnzibati Xətalar Məcəlləsinin 295.2-ci (Hava gəmisinin istismarçısı tərəfindən hava gəmilərinin təhlükəsizliyinin təmin edilməməsinə görə vəzifəli şəxslər min manat məbləğində, hüquqi şəxslər üç min manat məbləğində cərimə edilir) maddəsinə əsasən tərtib olunub.
