Bu qanun layihəsi müzakirələrdən çıxarıldı

Milli Məclis hazırlanma mərhələsində olan “Pasiyentlərin və tibb işçilərinin hüquqları haqqında” qanun layihəsini müzakirələrdən çıxarıb.

XALQ.AZ xəbər verir ki, bu barədə parlamentin Səhiyyə komitəsinin bu gün keçirilən iclasında Milli Məclis Aparatının Sosial qanunvericilik şöbəsinin müdiri Adilə Abbasova məlumat verib.

Parlamentdə “Pasiyentlərin və tibb işçilərinin hüquqları haqqında” ayrıca bir qanunun qəbulu istənilirdi. Səhiyyə Nazirliyi ilə bağlı danışıqlar aparıldı, bildirildi ki, bu barədə ayrıca bi qanuna hazırda ehtiyac yoxdur. “Əhalinin sağlamlığının qorunması haqqında” qanunda bununla bağlı bir neçə maddə var. Məhz həmin maddələrin genişləndirilməsi məsləhət oldu”.