Azərbaycan Respublikası Milli Məclisinin deputatı Ramil Həsən “TƏK MİLLƏT TƏK ÜRƏK” Humanitar Platforması çərçivəsində Ucar Rayon İcra Hakimiyyətinin başçısı Mənsur Məmmədovla bir araya gələrək rayonda görülən və qarşıdakı günlərdə görüləcək işlərlə bağlı müzakirələr aparıb, o cümlədən 44 günlük Vətən savaşında canlarını fəda etmiş igid Şəhid oğullarımızın ailələrini ziyarət edib.
XALQ.AZ xəbər verir ki, Ramil Həsən qeyd edib ki, Müzəffər Ali Baş Komandan cənab İlham Əliyevin başçılığı ilə torpaqlarımızın işğaldan azad edilməsində canlarını fəda etmiş şəhidlərimizi əsla unutmayacaq və gələcək nəsillərin onları qürurla xatırlayacağını, eyni zamanda hər zaman onların yanında olacağını bildirib.
Görüş çərçivəsində ulu öndər Heydər Əliyevin abidəsi və Şəhidlər xiyabanı ziyarət edilib. Vətənimizin bütövlüyü uğrunda canlarını fəda etmiş Şəhidlərimizin ailələrinə və onların övladlarına müxtəlif sovqatlar verilib.
XALQ.AZ
