Dəyərli dostum, Asiya Siyasi Partiyalarının Beynəlxalq Konfransının (İCAPP) keçmiş baş katibi, qurumun daimi komitəsinin həmsədri Çung Eui-Yong Koreya Respublikasının xarici işlər naziri təyin edilib.
Bunu Milli Məclisin deputatı Ramin Məmmədov şəxsi facebook səhifəsində yazıb.
Deputat qeyd edib ki, ICAPP-ın baş katibi olaraq, cənab Çung Eui-Yong Yeni Azərbaycan Partiyası ilə sıx əməkdaşlıq münasibətlərinin inkişafına hər zaman xüsusi önəm vermiş, Azərbaycanla Koreya Respublikası arasında qarşılıqlı əlaqələrin inkişafına mühüm töhfələr vermişdir. Qeyd edək ki, cənab Çung Eui-Yong İCAPP-ın Daimi Komitəsinin üzvü kimi Yeni Azərbaycan Partiyasının dəvəti ilə dəfələrlə Azərbaycanda səfərdə olmuşdur.Cənab Çung Eui-Yong, Azərbaycanın beynəlxalq aləmdəki böyük nüfuzunu, ölkəmizdəki sürətli inkişafı və YAP-ın bu uğurlardakı rolunu hər zaman yüksək qiymətləndirərək təşkilatın VII Baş Assambleyasının Bakıda keçirilməsi barədə qərarın təşəbbüskarı olmuşdur. Cənab Çung Eui-Yong, Yeni Azərbaycan Partiyasının təşkilatçılığı ilə Bakıda Asiya Siyasi Partiyaları Beynəlxalq Konfransının Qadınlar qolunun 3-cü iclasında, həmçinin Gənclər Qolunun 2-ci toplantısında iştirak etmişdir. Koreya Respublikasının indiki xarici işlər naziri cənab Çung Eui-Yong 2015-ci ildə Azərbaycanda keçirilən parlament seçkilərində ICAPP-ın baş katibi olaraq müşahidəci kimi də iştirak etmişdir.
