Millət vəkili Anar Məmmədov və Goranboy Rayon İcra Hakimiyyətinin başçısı Məhərrəm Quliyev 1 iyun – Uşaqların Beynəlxalq Müdafiəsi Günü münasibəti ilə şəhid və qazi ailələrinin övladlarını təbrik edib.
Görüşdə millət vəkili Anar Məmmədov, Goranboy Rayon İcra Hakimiyyətinin başçısı Məhərrəm Quliyev, rayon ağsaqqalları və ziyalıları, şəhid və qazi ailələri və onların övladları iştirak ediblər.
İştirakçılar uşaqları bayram münasibətilə təbrik edib, onlara ən xoş arzularını çatdıraraq ölkəmizdə uşaqlara dövlət qayğısının artırılması sahəsində, eləcə də onların sosial və hüquqi müdafiəsi ilə bağlı mühüm qərarların qəbul edildiyini qeyd ediblər.
Şəhid və qazi ailələri onlara və övladlarına Prezident İlham Əliyevin və Birinci vitse-prezident Mehriban Əliyevanın göstərdikləri qayğıdan danışaraq minnətdarlıqlarını bildiriblər.
