Azərbaycanda fəaliyyət göstərən səfirlər, hərbi ataşelər və beynəlxalq təşkilatların Azərbaycandakı nümayəndəliklərinin rəhbərləri Cocuq Mərcanlıya gəliblər.
XALQ.AZ-ın məlumatına görə, diplomatik korpusların nümayəndələri Cocuq Mərcanlıda vəziyyətlə tanış olacaqlar.
Daha sonra diplomatik korpus nümayəndələri Cəbrayıl şəhərinə yola düşəcəklər.
****
Azərbaycanda fəaliyyət göstərən səfirlər, hərbi attaşelər və beynəlxalq təşkilatların ölkəmizdəki nümayəndəliklərinin rəhbərləri Cocuq Mərcanlı ilə tanışlıqdan sonra Cəbrayıl şəhərinə gəliblər.
Diplomatik korpus nümayəndələri Cəbrayıl şəhərindəki dağıdılmış qəbiristanlığa və erməni vəhşiliyinə məruz qalmış digər ərazilərə baxıblar.
Diplomatları Azərbaycan Respublikası Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev, Birinci vitse-prezidentin köməkçisi Elçin Əmirbəyov və başqaları müşayiət edirlər.
****
Azərbaycanda fəaliyyət göstərən səfirlər, hərbi attaşelər və beynəlxalq təşkilatların Azərbaycandakı nümayəndəliklərinin rəhbərləri Cəbrayıl rayonunda İranla sərhəddə yerləşən Xudafərin körpüsündə olublar.
XALQ.AZ xəbər verir ki, diplomatik korpus nümayəndələri, əvvəlcə Cəbrayılda qəbiristanlığa və ermənilər tərəfindən dağıdılmış digər ərazilərə baxıblar.
Diplomatları Azərbaycan Respublikası Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev və digər rəsmi şəxslər müşayiət edirlər.
XALQ.AZ
