Dünyanın ən böyük pomidoru yetişdirilib.
XALQ.AZ-ın məlumatına görə, ABŞ-ın Minnesota ştatının sakini Den Makkoy adlı fermer yetişdirdiyi pomidorun çəkisi 3,8 kiloqramdır.
Fermer tərəfindən “Böyük Zak” adı verdiyi pomidorun Ginnesin Rekordlar kitabına salınacağı gözlənilir.
Den Makkoy yetişdirdiyi pomidor sortunun toxumlarını xeyriyyə hərracına çıxaracağını bildirib. O, həmçinin fermer həmkarlarına da toxum verəcəyini deyib.
Qeyd edək ki, indiyə kimi dünyada ən böyük pomidorun çəkisi 3,5 kiloqram olub.
