“Bu gün sülh prosesinə mane olan Ermənistanın həyata keçirdiyi təxribatlardır. Təəssüf ki, Ermənistan sülh yox, yeni təxribatlar barədə düşünür və davamlı olaraq atəşkəsi pozur”. Bu sözləri millət vəkili Ceyhun Məmmədov deyib.
Onun sözlərinə görə, törədilən təxribatlar Ermənistanın sülh istəmədiyini göstərir: “Hesab edirəm ki, Qərbin ikili standartları da zaman-zaman özünü göstərir. Təəssüf ki, bu gün Ermənistanın mövqeyinin dəstəklənməsi, Azərbaycanın bir sıra dövlətlər tərəfindən bu məsələdə günahlandırılması prosesə ciddi şəkildə mənfi təsir göstərir. Azərbaycan sülhə nail olmaq üçün lazımi addımları atır. Lakin Ermənistan tərəfindən heç bir addım görmürük. Bu isə qəbuledilməz yanaşmadır”.
