“Azərbaycanda turizm şirkətlərinin sayı artmaqdadır. Bununla yanaşı, turistlərin yerləşdirilməsi üçün yeni məkanların və otellərin sayı da artrır”.
XALQ.AZ-ın məlumatına görə, bu sözləri mədəniyyət və turizm naziri Əbülfəs Qarayev deyib.
O bildirib ki, Azərbaycanın bu gün 35 min yataq yeri potensialı mövcuddur: “Son illər İKT-nin tətbiqi ilə bağlı bütün lisenziyalaşma prosesi internet vasitəsilə aparılır. Bu da sözsüz ki, Azərbaycanda turizm sahəsinin daha rahat inkişafına imkan yaradır. Bu ilki mövsümün yekunları bizi qane etdi. Öncədən atdığımız qabaqlayıcı addımlar nəticəsində istirahət müəssislərində yay mövsümündə fövqəladə və ya narahatçılıq törədən hadisələr baş vermədi”.
Nazir həmçinin bildirib ki, monitorinqlər keçirdərək xidmətlərin keyfiyyətinin artırılmasına nail olunub: “Bəzi hallarda qanun pozuntuları aşkarlanarkən qətiyyətli addımlar ataraq lisenziyaların dayandırılmasını təmin etmişik. Bəzi yerlərdə bizim tövsiyyələrimizi yerinə yetirməyən müəssələrlə bağlı, hətta hüquq mühafizə orqanlarına da müraciət etmişik. Nazirlik sözsüz ki, turistlərin və bölgələrdə istirahət edən vətəndaşların təhlükəsizliyini və hüquqlarını müdafiə etməlidir”.
