Hacıqabul rayon İcra Hakimiyyətinin başçısı Rüstəm Xəlilov operativ qərargahın üzvləri ilə birlikdə şəhər ərazisində monitorinq aparıb.
Bu barədə XALQ.AZ-a Hacıqabul RİH-dən məlumat verilib.
Bildirilib ki, ölkə ərazisində koronavirus (COVID-19) pandemiyası ilə mübarizədə əhalinin sağlamlığının qorunması, infeksiyanın yayılmasının və onun törədə biləcəyi fəsadların qarşısının alınması ilə bağlı Nazirlər Kabineti yanında Operativ Qərargahın tələb və tövsiyələrinə uyğun olaraq Hacıqabul rayon İcra hakimiyyəti yanında fəaliyyət göstərən operativ qərargahın sədri, rayon İcra Hakimiyyətinin başçısı Rüstəm Xəlilov qərargah üzvləri ilə birlikdə şəhər ərazisində karantin qaydalarına nəzarətlə yerində tanış olub.
İnfeksiyanın rayon ərazisində yayılmasının qarşının alınması məqsədilə Gigiyena və Epidemilogiya Mərkəzinin həkim və tibb işçiləri tərəfindən şəhərin prospekt və küçələrində, məhəllədaxili yollarda, həmçinin yaşayış binalarında, fəaliyyətinə icazə verilmiş ticarət obyektlərində gündəlik dezinfeksiya işləri aparılır.
Tədbirlər müntəzəm olaraq davam etdirilir.
XALQ.AZ
