Dünya Güləş Birliyi (UWW) reytinq siyahısını yeniləyib.
XALQ.AZ xəbər verir ki, Azərbaycan Güləş Federasiyasından Dünya və Avropa çempionatları, “Qran-pri” turnirləri və başqa reytinq xalı verən yarışlarda qazanılan nəticələrə əsasən tərtib olunan siyahıda iki güləşçimiz liderlik edir. Bunlar qadınlardan ibarət yığmamızın lideri Mariya Stadnik (50 kq) və yunan-Roma güləşi üzrə millimizin gənc üzvü İslam Abbasovdur (87 kq). Stadnikin 111, Abbasovun isə 89 xalı var. Cəbrayıl Həsənov (79 kq), Eldəniz Əzizli (55 kq) və Rəsul Çunayev (72 kq) ikinci pillədə qərarlaşıb. Ümumilikdə ilk “10-luq”da 16, ilk “20-lik”də isə 29 güləşçimiz yer alıb.
Orxan
Comments are closed.