Türkiyənin İstanbul şəhərində azərbaycanlı sürücüyə silahlı hücum olub.
XALQ.AZ Türkiyə KİV-nə istinadən xəbər verir ki, Küçükçekmecenin Halkalı Merkez məhəlləsində qırmızı işıqda gözləyən Azərbaycan vətəndaşına motosikletlə yaxınlaşan iki nəfər atəş açıb və onu ağır yaralayıblar.
Hadisə vaxtı sürücünün yanında qadın olsa da, o xəsarət almayıb.
Şübhəlilər hadisə yerindən uzaqlaşıblar. Polis onların axtarışlarını davam etdirir.
Silah səslərini eşidən vətəndaşlar hadisə yerinə polis və təcili tibbi tardım çağırıblar. Sürücü xəstəxanaya yerləşdirilib.
