COVİD-19 infeksiyasının qaçınılmaz olan ikinci dalğası zamanı daha çox insan xəstələnə bilər.
XALQ.AZ xəbər verir ki, bunu Yaponiyanın məşhur həkim-infeksionisti Akixiro Sato deyib.
Onun sözlərinə görə, hələlik dünyanın heç bir ölkəsində antitel testləri ilə bağlı müsbət reaksiyalar çox azdır. “Bu o deməkdir ki, əhalinin 99 faizi hələ xəstələnməyib. Antitel 60 faiz olduqda yeni dalğanın qorxusu yoxdur və yoluxmalar da çox yayılmaz. Amma buna hələ çox var”.
İkinci dalğanın əsas təhlükəsindən biri də səhiyyə sisteminin birdən sürətlə artan xəstə qəbuluna hazır olmamasıdır. Yapon mütəxəssis bu zaman xəstəxanada yerlərin, süni tənəffüs aparatlarının çatışmayacağını, həkimlərin ağır xəstələrə vaxtında müdaxilə edə bilməyəcəyini deyir.
“Bu halda başqa şərtlər altında xilası mümkün olan xəstələri belə həyata qaytarmaq mümkün olmayacaq. Bu ən pis ssenaridir. Əgər ikinci dalğa zamanı yoluxmalar kəskin artarsa qurbanlar da qaçınılmaz olacaq”.
Ümumiyyətlə Sato hesab edir ki, vaksin hazır olmayana kimi COVİD-19 bir neçə dalğa ilə geri qayıda bilər, insanlar da bu zaman özünütəcrid vəziyyətində yaşamağa alışmalıdırlar.
