Milli Məclisin deputatı, Qazaxıstanla parlamentlərarası əlaqələr üzrə işçi qrupunun rəhbəri Adil Əliyev “Prezidentlik İnstitutu: Qazaxıstan modeli” mövzusunda keçiriləcək beynəlxalq parlament konfransında iştirak etmək üçün noyabrın 26-dan Qazaxıstanın Nur-Sultan şəhərində səfərdə olacaq.
XALQ.AZ xəbər verir ki, səfər çərçivəsində millət vəkili qeyd edilən tədbirdə Qazaxıstanda prezidentlik institutunun yaradılması, ölkənin birinci prezidenti – Nursultan Nazarbayevin Qazaxıstan dövlətçiliyinin müasir dövrdə möhkəmləndirilməsində, parlamentarizm ənənələrinin yaradılmasında və inkişafında roluna həsr olunmuş müzakirələrə qatılacaq.
Səfər noyabrın 28-də başa çatacaq.
