Elan edilmiş növbədənkənar prezident seçkiləri sağlam siyasi rəqabət şəraitində yeni reallığa keçidi təmin edən demokratik imkanıdır.
Bunu deputat Bəhruz Məhərrəmov parlamentdə çıxışı zamanı deyib.
Onun sözlərinə görə, bu gün heç bir siyasi qüvvənin cənab İlham Əliyevin namizədliyi qarşısında şansı yoxdur, amma bu prosesdə hər kəsə cəmiyyətin və dövlətin siyasi həyatında, habelə dövlətin idarə olunmasında iştirak etmək hüququnu reallaşdırmaq üçün sağlam şərait yaradılıb. “Konstruktiv müxalifətin rahat şəlkildə seçki marafonuna qatılması bu reallığı bir daha təsdiq edir”, – o qeyd edib.
Əlavə edib ki, antimilli ünsürlərin isə bu dəfə də prosesdən kənarda qalması əslində xəyanətkar, təxribatçı və qorxaq mahiyyətin ifadəsidir: “5 min adam tapıb partiyalarını qeydiyyatdan keçirə bilməyən bir ovuc ünsür, indi güya seçkiləri “baykot” edir. Bu xalq Sizi çoxdan baykot edib, siz kimi baykot edirsiniz? Baykot cəhdi əslində bu dərnəklərin təxribatçı mahiyyətinin ifadəsidir və geganə məqsəd də budur ki, siyasi sabitlik pozaraq ölkənin daxili məsələlərinə müdaxilə arzusunda olan xarici qüvvələr üçün fürsət yaratsınlar.
Amma hər kəs başa düşməlidir ki, İlham Əliyevin qurduğu nizamı nə bu gün nə gələcəkdə heç bir xarici və daxili ünsür zədələyə bilməz”.
