Şirkət Binəqədə rayon məhkəməsinə qanunsuz sənəd göndərib
Xalq.az informasiya agentliyinə Binəqədi rayon sakini Həbibov Zamiq Rafiq oğlu tərəfindən şikayət ərizəsi daxil olub. Daxil olan ərizədə Həbibov Zamiq tapdalanmış hüquqları ilə bağlı aidiyyatı qurumlardan yardım istəyir. Şikayət ərizəsində göstərilir ki, “Standart İnsurance” sığorta şirkəti ona qarşı Binəqədi rayon məhkəməsində iddia qaldırıb. İddiada bildirilir ki, Bağırov Ramil tərəfindən idarə olunan 16.05.2013-cü il tarixində 90 VK 995 dövlət nömrə nişanlı avtomobil ilə Nəsimi rayonu ərazisində 90 XG 553 avtomobil ilə toqquşmuşdur. Bu səbəbdən Bağırov Ramil Elxan oğluna Nəsimi DYPŞ-nin 17 may 2013-cü il tarixində inzibati xətalar məcəlləsinə uyğun olaraq 151.1-ci maddəsi ilə təqsirli bilinmişdir. Vətəndaş Həbibov Zamiqin sözlərinə görə həmin avtomobili Bağırov Ramilə satdığı üçün sığorta şirkətindədə onun adına müqavilə bağlanılıb. Lakin heç bir səbəb göstrərilmədən məni məhkəmə vermişlər və avtoqəzada zamanı dəyən 755 manat ziyanı mənə qarşı yönəltmişlər. Şikayətçinin sözlərinə Binəqədi rayon məhkəməsi qanunvercilikdə nəzərdə tutulmayan halda məhkəmə iddiasını rədd etməyib, əksinə mənim məhkəmədə iştirakım üçün yaşadığım mənzilimə məhkəmədə iştirakımla bağlı bildiriş göndərib.
Daha sonra hüquqları tapdalanan vətəndaş Həbibov Zamiq Baş Prokurorluğa və Ədliyyə Nazirliyinin Məhkəmə hüquqşurasına şikayət edəcəyini bildirir.Xalq.az saytı olaraq yazıda sözügedən şəxslərin mövqeyini də öyrənməyə cəhd etdik. Binəqədi rayon məhkəməsi məsələni dinlədikdən sonra bizə Standart İnsurance şirkəti ilə əlaqə saxlamağı məsləhət bildi. Sığorta şirkətindən isə özünü təqdim etmək istəməyən hüqüqşünas isə məsələ ilə bağlı danışmaq belə istəmədi.
Qarşı tərəfində mövqeyini dərc etməyə hazırıq.