Türkiyə 14 sentyabrda Krımda keçirilən seçkiləri tanımayıb
Ölkə.Az türk mətbuatına istnadən xəbər verir ki, bu barədə Türkiyə Xarici işlər nazirliyi məlumat yayıb.
“Türkiyə Krım muxtar respubikasının qanunsuz birləşdirilməsini tanımır. Bununla bağlı bizim ölkə 14 sentyabrda Krımda keçirilən seçkiləri etibarsiz hesab edir”, – deyə bəyanatda bildirilir.
Bundan əlavə, Türkiyənin xarici işlər nazirliyi son günlər krım türklərinə qarşı edilən təzyiqlərlə bağlı öz narahatlığını bildirib.
Xatırladaq ki, vahid seçki günü 14 sentyabr tarixində Rusiyanın 85 bölgəsindən 84-də keçirilib. Krımda da ilk dəfə olaraq Rusiyanın tərkibində olmaqla parlament və bələdiyyə seçkiləri keçirilib.
