Dövlət hüzr mərasimlərində ehsan verilməsi qaydasına nəzarət edəcək.
XALQ.AZ-ın məlumatına görə, israfçılıq hallarının qarşısının alınması üçün dövlət bununla bağlı konkret standartlar müəyyənləşdirib.
Digər qida məhsullarının verilməsinə qadağa qoyulub. Hüzr məclislərində süfrədə yalnız çay və qənd olacaq. İstisna hal kimi xurmanın olmasına məhdudiyyət qoyulmayacaq.
Məsələ ilə bağlı rayon icra hakimiyyətləri başçılarının 1-ci müavinlərinə tapşırıqlar verilib. Yerli din xadimlərinə, axund və mollaların diqqətinə çatdırılıb ki, məclislərdə qoyulan təlimatlardan kənara çıxılması hallarının qarşsının alınması üçün üzərlərinə düşən tədbirləri həyata keçirsinlər.
Yas məclislərində israfçılığın qarşısının alınması üçün inzibati tədbirlərə də əl atılacaq.
