“Almaniya kansleri Angela Merkel öz evində Rusiyadan gələn qazı kəssin, ona soyuq olsun, biz də bilək ki, o, həqiqətən Ukraynaya görə özünü fəda edir”.
XALQ.AZ-ın məlumatına görə, bunu deputat Zahid Oruc Milli Məclisin bugünkü iclasında deyib.
Deputatın fikrincə, Azərbaycan Rusiya ilə əlaqələrə üstünlük verməlidir: “Bunun Azərbaycana və Dağlıq Qarabağ münaqişəsinin həllinə də xeyri var. Bu gün bəziləri Rusiyaya meydan təfəkkürü ilə yanaşaraq bu ölkə ilə əlaqələrin qurulmasına qarşı çıxır. Bu düzgün deyil”.
